OnlineSindhu

सिन्धुपाल्चोकको शिखरपुरमा झापाका विद्यार्थीद्वारा ८ सय झुल वितरण सिन्धुपाल्चोक, जेठ ३१- सिन्धुपाल्चोक जिल्लाको पश्चिम क्षेत्र शिखरपुर गाविस वडा नं ४ र ५ का भूकम्पपीडितलाई झुल वितरण गरिएको छ । सेन्ट जेभियर्स स्कुल देवनिया गरामनी–४ झापाका अध्ययनरत र पूर्व विद्यार्थीले संयुक्तरुपमा सहयोग रकम सङ्कलन गरी ८०० थान झुल वितरण गरेका हुन् । झुल वितरण कार्यक्रममा विपदमा परेका भूकम्पपीडित दाजुभाइ दिदीबहिनीलाई सानो भौतिक सहयोगले पहाड र तराईबीचको आत्मीय भावना बढाउनु र एक आपसमा नेपालीलाई परेको अप्ठयारोमा मद्दत गर्नु नै नेपालीपन भएको विद्यालयका प्रधानाध्यापक म्याथ्यु दासले बताउनुभयो । रासस